اپارٹمنٹ امریکی کھرب پتی شخص ڈینیئل اوچ نے 2برس قبل موجودہ قیمت کے تقریباً نصف 9 کروڑ 30 لاکھ کا خریدا تھا

امریکی شہر نیویارک میں ایک چار کمروں کا پینٹ ہاﺅس اپارٹمنٹ 19 کروڑ ڈالرز میں فروخت ہوا ہے۔ یہ نیویارک کی تاریخ کا مہنگا ترین اپارٹمنٹ ہے۔غیر ملکی خبر رساں ادارے نے امریکی اخبار وال سٹریٹ جرنل کے حوالے سے بتایا ہے کہ یہ اپارٹمنٹ امریکی کھرب پتی شخص ڈینیئل اوچ نے دو برس قبل موجودہ قیمت کے تقریباً نصف یعنی نو کروڑ 30 لاکھ کا خریدا تھا۔نو ہزار 800 مربع فٹ کا یہ اپارٹمنٹ مین ہٹن کے مرکز میں 220 سنٹرل پارک ساو?تھ میں واقع ہے اور بتایا جا رہا ہے کہ اس کا شمار نیویارک میں فروخت ہونے والی اب تک کی مہنگی ترین پراپرٹیز میں ہوتا ہے۔وال سٹریٹ جرنل کے مطابق یہ امریکہ میں پرائیویٹ گھر کے لیے ادا کی جانی والی اب تک کی سب سے زیادہ رقم ہے۔اس اپارٹمنٹ کو فروخت کرنے والے 61 سالہ ڈینیئل اوچ کے مجموعی اثاثوں کا تخمیہ فوربز میگزین نے چار ارب 10 کروڑ لگایا تھا۔ڈیینئل اوچ نے نیویارک میں ایک سرمایہ کاری فرم کی بنیاد رکھی جسے رشوت ستانی سے متعلق سکینڈل کے بعد 2019 میں اپنا نام بدل کر سکلپٹر رکھنا پڑا تھا۔جب ڈینئل اوچ نے یہ پینٹ ہاو?س خریدا تو اس نے ٹیکس وجوہات کی بنا پر اپنی رہائش ریاست فلوریڈا منتقل کر دی تھی۔اخبار کے مطابق ڈینیئل اوچ اب بھی وہاں ایک کونے میں واقع لگڑری فلیٹ کے مالک ہیں جس کی قیمت 2019 میں ساڑھے 57 ملین ڈالر درج کی گئی تھی۔