لاہور (نمائندہ خصوصی) لوئر مال کے علا قہ میں پولیس مقابلہ، ایک ڈاکو ہلاک، دوسرا فرار ہو گیا۔ بتایا گیا ہے کہ ڈاکو بیکری پر لوٹ ما ر کر کے بھاگ رہے تھے پولیس پہنچ گئی۔ فائرنگ کے تبادلے میں ایک راہگیر بھی زخمی ہو گیا۔ مقتول ڈاکو کی نعش کو پوسٹمارٹم کیلئے بجھوا دیا گیا۔ پولیس کاکہنا ہے کہ ہلاک ہونے والے ڈاکو کی شناخت نہیں ہو سکی۔ فرار ڈاکو کی تلاش کیلئے شہر بھر میں نا کہ بند ی کر دی گئی ہے۔ دوسری طرف لاہور میں متعدد وارداتوں کے دوران شہری لاکھوں روپے مالیت کی نقدی زیورات اور دیگر قیمتی اشیا سے محروم۔ تفصیلات کے مطابق شمالی چھائونی کے علاقہ میں فیصل کے گھر سے فیملی کو یرغمال بنا کر3لا کھ 70ہزار کی نقد ی اور طلا ئی زیو رات، موبائل فون و دیگر سامان، ڈیفنس اے میں عارف کی فیملی سے3 لاکھ 40 ہزار مالیت‘ فیصل ٹائون میںکاشف کے گھر سے 2 لا کھ 60 ہزار مالیت‘ قائداعظم انڈسٹریل ایریا میں فاروق کی فیملی کو یرغمال بنا کر 2لا کھ 55 ہزار کی مالیت‘ مصطفیٰ آباد میں روبن کے گھر سے2 لاکھ20 ہزار کی مالیت‘ کوٹ لکھپت میں مجید کے گھر سے فیملی کو یرغمال بنا کر1لا کھ 65 ہزار روپے مالیت‘ جوہر ٹائون میں فیاض کی فیملی کو یرغمال بنا کر1لا کھ 65 ہزار کی نقدی‘ موبائل فون و دیگر سامان لوٹ لیا گیا۔ نصیر آباد، چوہنگ اور راوی روڈمیں گاڑیاں جبکہ مستی گیٹ، ماڈل ٹائون، اچھر ہ، شادمان، مسلم ٹائون، مناواں، غازی آباد، باغبانپورہ، نصیر آباد اورغالب مارکیٹ میں موٹر سائیکلیں چوری کر لیں گئیں۔

پنجاب کے مختلف علاقوں میں شدید دھند، موٹروے کئی مقامات سے ٹریفک کیلئے بند