اسلام آباد(نمائندہ خصوصی)وزیر اعظم کے مشیر خزانہ و محصولات ڈاکٹر عبد الحفیظ شیخ سے فرانس کے پاکستان میں سفیر ڈاکٹر مارک بریٹی نے ملاقات کی، مشیر خزانہ ڈاکٹر عبد الحفیظ شیخ کی زیر صدارت کابینہ کی نج کاری کمیٹی کا اجلاس بھی ہوا، ، فرانسیسی سفیر سے ملاقات کے دوران دونوں ممالک کے درمیان باہمی تعلقات کو بڑھاوا دینے اور پاکستان میں فرانسیسی سرمایہ کاری میں اضافہ کے لیے مختلف تجاویز پر تبادلہ خیال کیا گیا۔وزارت خزانہ مشیر خزانہ ڈاکٹر عبد الحفیظ شیخ نے فرانسیسی سفیر کو پاکستانی معیشت کے مختلف شعبوں میں کی جانے والی اصلاحات اور ان کے مثبت نتائج سے آگاہ کیا۔حکومتی کوششوں سے معیشت استحکام کے راستے پر گامزن ہوئی ہے۔ معیشت میں بہتری سے آنے والوں دنوں میں افراط زر کو نیچے لانے اور مہنگائی پر قابو پانے میں مدد ملے گی۔ حکومت نے سماجی شعبے کے لیے مختص بجٹ کو دوگنا کر دیا ہے۔غریب طبقے کے لیے سستی اشیائے خورد اور سستے علاج کی فراہمی کے لیے اقدامات اٹھائے گئے ہیں۔مشیر خزانہ ڈاکٹر عبد الحفیظ شیخ حکوومت ملک میں کاروباری آسانیاں پیدا کرنے اور معیشت کے مختلف شعبوں کی پیداواری صلاحیت بڑھا کر برآمدات بڑھانے کے لیے کوشاں ہے جس کے لیے برآمدکندگان کو سستے قرضے،بجلی اور گیس فراہم کی جا رہی ہے،دریں اثناکابینہ کمیٹی کے اجلاس کے دوران نجکاری کے لیے چْنی32 سرکاری جائیداوں میں سے پانچ جائیداوں کو نج کاری فہرست سے نکالنے کی منظوری دی گئی ۔وزارت خزانہ نجکاری فہرست سے نکالی گئی پانچ جائیدایں اسلام آباد، لاہور اور کراچی میں ہیں۔وزارت خزانہ نجکاری فہرست سے نکالی گئی پانچ جائیداوں میں سے تین کو نیا پاکستان ہاؤزنگ اتھارٹی کے حوالے کرنے کی منظوری دی گئی ۔وزارت خزانہ نجکاری فہرست سے نکالی گئی بقیہ دو جائیداوں کی جگہ متعلقہ ادارے متبادل اور رہن سے پاک جائیدایں نج کاری کے لیے پیش کی جائیں گی ،مشیر خزانہ نے کہا کہ حکومت سماجی شعبہ پر آخراجات،آسان قرضوں،کاروبار کو آسان بنانے کے ذریعے افراط زر اور پیداواریت کو بڑھانے کے لئے کوشاں ہے ،حکومت نے 2018میں معیشت کو آئی سی یو سے نکالنے کے لئے بہت کام کیا۔