حکومت نے دسمبر میں 1284 ارب روپے قرض لیا، ایک سال میں قرض 9.9 فیصد بڑھا 

کراچی (نیٹ نیوز) سٹیٹ بنک آف پاکستان نے حکومتی قرض کے اعداد و شمار جاری کردیے۔ سٹیٹ بنک  کے مطابق دسمبر 2024 میں حکومت نے 1284 ارب روپے قرض لیا اور دسمبر 2024 تک حکومتی قرضوں کا سٹاک 71647 ارب روپے ہوگیا۔اعداد و شمار میں بتایا گیا ہے دسمبر 2023 سے دسمبر 2024 تک حکومت کا قرض 9.9 فیصد بڑھا  اور حکومت کا مقامی قرض سال 2024 میں 17.1 فیصد بڑھ کر 49883 ارب روپے ہوگیا۔سٹیٹ بینک کے مطابق حکومت کا بیرونی قرض سال 2024 میں 3.7 فیصد کم ہو کر 21764 ارب روپے ہو گیا۔سٹیٹ بنک کے مطابق پہلی ششماہی میں حکومت کا مقامی قرض 2723 ارب جبکہ بیرونی قرض 10ارب روپے بڑھا ہے۔