کوشل مینڈس کی سنچری ‘سری لنکا نے آسٹریلیا کیخلاف ون ڈے سیریز جیت لی

لاہور(سپورٹس رپورٹر)سری لنکا نے دوسرے ون ڈے میچ میں آسٹریلیا کو 174 رنز سے شکست دے کر سیریز 0-2 سے جیت لی۔کولمبو میں کھیلے گئے میچ میں 282 رنز کے تعاقب میں آسٹریلوی ٹیم 25 ویں اوور میں 107 رنز پر ڈھیر ہوگئی۔ سٹیو سمتھ 29، جوش انگلس 22 اور ٹریوس ہیڈ نے 18رنز بنائے ۔ سری لنکا کے دونیتھ ویلالیگا نے 4 وکٹیں حاصل کیں۔سری لنکن بائولر اسیتھا فرنینڈو اور وانندو ہسارنگا نے 3،3 کھلاڑیوں کو آؤٹ کیا۔ سری لنکا نے 4 وکٹوں پر 281 رنز بنائے تھے۔ کوشل مینڈس 101 رنز بنا کر نمایاں رہے تھے۔