ایل ڈی اے میں پانچ ڈائریکٹروں کے تقرروتبادلے کے احکاما ت جاری

لاہور(خصوصی نامہ نگار)لاہور ڈویلپمنٹ اتھارٹی کی ڈائریکٹر جنرل آمنہ عمران خان نے پانچ ڈائریکٹروں کے تقرر و تبادلے کے احکامات جاری کئے ہیں۔ڈائریکٹر لینڈ ڈویلپمنٹ ون عبدالستار خان کا تبادلہ کرکے انہیں ڈائریکٹر ون ونڈو سیل تعینات کردیا ہے جبکہ یہاں سے ہارون رشید کا تبادلہ کرکے انہیں ڈائریکٹر ہڈن پراپرٹیز لگا دیاہے۔ ڈائریکٹر کچی آبادیز محمد نعمان خان کا تبادلہ کرکے انہیں ڈائریکٹر لینڈ ڈویلپمنٹ ون لگا دیا ہے۔ڈیپوٹیشن پر آنے والے تقرری کے منتظر پی ایم ایس افسر اشفاق احمد خان کو ڈائریکٹر لینڈ ڈویلپمنٹ تھری لگا دیا ہے اور معظم رشید سے اس عہدے کا اضافی چارج واپس لے لیا ہے۔ڈائریکٹر لینڈ ایکوزیشن فہد انیس کو تبدیل کر کے ڈائریکٹر ایل ڈی اے سٹی لگا دیا ہے اور تقرری کے منتظر دوسرے پی ایم ایس افسر شبیر احمد چیمہ کو ڈائریکٹر لینڈ ایکوزیشن لگا دیا ہے اور انہیں ریونیو آفیسر ریکارڈ سفٹنگ سیل کا اضافی چارج دے دیا ہے ۔اس کے علاوہ ایل ڈی اے کے ایڈیشنل ڈائریکٹر جنرل (ہیڈ کوارٹرز )رانا عبد الشکور نے ڈپٹی ڈائریکٹر ٹائون پلاننگ افراز اختر اور ڈپٹی ڈائریکٹر میٹرو پولیٹن پلاننگ فیصل مسعود کے باہمی تبادلے کے احکامات جاری کر دیئے ہیں ۔