فاروق ستار کے لیے پی ایس پی کے دروازے ہمیشہ کے لیے بند :مصطفی کمال

15 اپریل 2018 (18:57)

 پاک سرزمین پارٹی کے سربراہ مصطفی کمال نے کہا ہے کہ ایم کیوایم بار بار قوم سے جھوٹ بولتی ہے، سب کیلئے دروازے کھلے ہیں جبکہ فاروق ستار کے لیے پی ایس پی کے دروازے ہمیشہ ہمیشہ کے لیے بند ہیں۔کراچی میں پریس کانفرنس کرتے ہوئے متحدہ قومی موومنٹ پاکستان کی رکن سندھ اسمبلی سمیتا افضال سید نے پی ایس پی میں شامل ہونے کا اعلان کیا۔ اس موقع پر پاک سرزمین پارٹی کے سربراہ مصطفی کمال نے فاروق ستار کو شدید تنقید کا نشانہ بنایا اور کہا کہ فاروق ستار پر پی ایس پی کے دروازے ہمیشہ ہمیشہ کے لیے بند ہوگئے ہیں۔مصطفی کمال نے دعوی کیا کہ فاروق ستار نے انیس قائم خانی کو کامران ٹیسوری کے گھر بلایا اور ملاقات کی جس کے دوران کہا کہ میرے لیے کیا پیکج ہے۔ انہوں نے سمیتا افضال سید کو پارٹی میں شامل ہونے پر مبارک باد دی اور مخالفین کی تنقید کا جواب دیتے ہوئے کہا کہ پچھلے ڈھائی تین ماہ سے ایم کیو ایم میں ڈرامہ لگا ہے جب کہ ہم پر الزام لگایا گیا کہ پی ایس پی میں لوگ زبردستی آرہے ہیں۔

نفس کا امتحان

جنسی طور پر ہراساں کرنے کے خلاف خواتین کی مہم ’می ٹو‘ کا آغاز اکتوبر دو ...