رواں سال کیلئے 6 فیصد کا گروتھ ریٹ حاصل نہیں کیا جا سکے گا
اسلام آباد ( نمائندہ خصوصی) پاکستان رواں مالی سال کے لیے 6 فی صد کا گروتھ ریٹ حاصل نہیں کرسکے گا۔ ذرائع نے بتایا ہے کہ اب تک کے حاصل شدہ اعدادوشمار بتا رہے ہیں کہ رواں مالی سال میں ملک کا جی ڈی پی گروتھ سیٹ 5.79 فی صد ہوگا۔ جو مقررہ ہدف سے کم ہے تاہم یہ گزشتہ 10 سال میں سب سے زیادہ گروتھ ریٹ ہے۔ دریں اثناء سالانہ منصوبہ کی رابطہ کمیٹی کا اجلاس پیر کو طلب کرلیا گیا ہے۔ جس میں آئندہ مال سال کے مجموعی ترقیاتی منصوبے کی منظوری دی جائے گی۔ وزارت خزانہ پہلے ہی کہہ چکی ہے کہ وفاقی ترقیاتی منصوبہ کے لیے 750 ارب روپے تک کے منصوبے منظور کئے جائیں جبکہ وزارت منصوبہ بندی اس سے زائد رقم مختص کرانے چاہتی ہے۔ بعدازاں قومی اقتصادی کونسل اس کی منظوری دے گی۔