بدوملہی (نامہ نگار)نوجوان پاکستان کا روشن اور محفوظ مستقبل ہیں۔ اور نوجوان اپنی توانیاں تعلیم اور تحقیق پر صرف کریں۔ صحت مند ، غیر نصابی سرگرمیوں کا حصہ بن کر انتہا پسند انہ رویوں سے بچا جا سکتا ہے ۔ ان خیالات کا اظہا ر پنجاب اسمبلی کے رکن کرنل (ر) شجاعت احمد خان نے گورنمنٹ پرائمری سکول علی اکبر باغ میں سالانہ تقسیم انعامات کی تقریب سے خطا ب کرتے ہوئے کیا ۔ انہوں نے کہا کہ ہم آنے والی نسلوں کے لیے ایک مضبوط اور خوشخال پاکستان کے لیے جدوجہد کررہے ہیں۔ اور آنے والے وقت میں نوجوان نسل نے ہی ملک و قوم کی قیادت سنبھالنی ہے ۔ سپورٹس کا میدان ہو یا صحت اور تعلیم کا ہر لحاظ سے ان کی سرپرستی کرنا ہماری ذمہ داری ہے۔ تقسیم انعامات کی تقریب میں پنجاب اسمبلی کے رکن کرنل (ر) شجاعت احمد خان ، مارکیٹ کمیٹی نارووال کے چیئرمین چودھری امان اللہ خان، محمد اقبال اور میاں عبدالستار نے شرکت کی۔