مردان: چھتہ شہد کے تنازعہ پر فائرنگ ایک شخص جاں بحق، دو خواتین سمیت3 زخمی
مردان(صباح نیوز)رستم کے نواحی علاقہ پیرسئی میں شہد کے چھتہ کے تنازعہ پر فائرنگ سے ایک شخص جاں بحق جبکہ دو خواتین سمیت تین افرادشدید زخمی ہوگئے۔ ریسکیو ذرائع کے مطابق رستم کے نواحی علاقہ پیرسئی میں کھیتوں کے درخت میں شہد کاچھتہ تھا جس کے کاٹنے پر نورغنی اور متناولد عبد الغفار سکنہ پیرسئی نے جواد ولد غنی رحمان ،لطیف الرحمان ولد امیر رحمان ، (ط)دختر امیر رحمان اور مسماۃ(ت) اہلیہ غنی رحمان پر فائرنگ کرکے شدید زخمی کردیا گیا۔ زخمیوں میں دو خواتین بھی شامل ہیں ،ریسکیو 1122رستم کی ٹیم نے زخمیوں کو ایم ایم سی منتقل کر دیا گیا۔ آخری اطلاعات کے مطابق جواد ولد غنی رحمان نے زخموں کی تاب نہ لاکر جاں بحق ہوگیا۔ پولیس نے مقدمہ درج کرکے ملزمان کی تلاش شروع کردی۔
