عدن (اے ایف پی) یمنی حکومت کے ترجمان نے کہا ہے ایران حوثی باغیوں کو جاسوسی طیارے فراہم کرتا ہے جنہیں وہ سرحد پار سعودی عرب میں حملوں کے لیے استعمال کرتے ہیں۔ چند روز قبل سعودی حکام نے دعویٰ کیا تھا ریاض کی فضائی حدود میں باغیوں کے 2 ڈرونز کو نشانہ بنایا اورمار گرائے سعودی حمایت یافتہ حکومت کے ترجمان نے صحافیوں کو تفصیلات سے آگاہ کرتے کہا یہ جاسوسی طیارے ایران میں بنائے جاتے ہیں۔ انہوں نے تردید کرتے کہا یمنی فوج کے پاس ایسے ڈرون نہیں کیونکہ یہ مقامی سطح پر تیار نہیں کیے جا سکتے۔ یاد رہے حوثی باغیوں نے 2014ء میں یمن کے دارالحکومت صنعا پر قبضہ کر لیا تھا جس کے بعد سعودی عرب کو مداخلت کرنا پڑی۔ مارچ 2015 سے شروع ہونے والے تنازع کی بھینٹ لاکھوں افراد چڑھ چکے ہیں۔