جرمنی میں عالمی تجارتی نمائش میں شرکت کیلئے درخواستیں طلب

15 اپریل 2018

کراچی (کامرس رپورٹر) ٹریڈ ڈویلپمنٹ اتھارٹی آف پاکستان نے جرمنی میں منعقد ہونیوالی عالمی تجارتی نمائش انٹر موٹ میں شرکت کیلئے 28 اپریل 2018ء تک درخواستیں طلب کر لی ہیں۔ تفصیلات کے مطابق 5روزہ عالمی تجارتی نمائش 3 تا 7 اکتوبر 2018ء کو جرمنی کے شہر کولون میں منعقد ہوگی جس میں موٹر بائیک گلوز، کلوتھنگ، اسیسریز، حفاظتی آلات اور اسپورٹس شوز سمیت مختلف مصنوعات تیار و برآمد کرنیوالے ادارے شرکت کے ذریعے اپنی مصنوعات کی نمائش اور درآمد کنندگان سے کاروباری معاملات طے کر سکیں گے جس سے قومی برآمدات کے فروغ میں مدد ملے گی۔