ضلع وسطی کو آلودگی سے پاک کردیں گے ،ریحان ہاشمی
کراچی (اسٹاف رپورٹر ) چیئرمین بلدیہ وسطی ریحان ہاشمی نے کہا کہ ضلع وسطی کو آلودگی سے پاک کردیں گے اس کے لئے ضروری ہے کہ ضلع میں بھر پور اندا زمیں شجر کاری کی جائے ،بلدیہ وسطی اپنے موجود وسائل میں رہتے ہوئے ضلع بھر میں شجر کاری مہم کے زریعے پودے لگا رہی ہے اور ساتھ ہی ساتھ اجڑے ہوئے پارکس و پلے گراؤنڈزکی بحالی کے لئے دن رات کوشاں ہے ۔وہ نارتھ کراچی سیکٹر 5C-1 میں قائم افضاء فیملی پارک میںتزین و آرائش کے کا م کا معائنہ کررہے تھے اس موقع پر ان کے ہمراہ یوسی چیئرمین فاضل خانزادہ،وائس چیئرمین شہاب الدین و دیگر بلدیاتی افسران بھی موجود ہیں ۔ انہوں نے کہا کہ منتخب بلدیاتی نمائندوں کی عدم موجودگی کی وجہ سے کراچی مسائل کا شہر بن چکا تھا۔ضلع میں موجود پارکس ویران ہوچکے تھے اور عوام سے صحت مند تفریح کے مواقع چھین لئے گئے تھے حق پرست بلدیاتی قیادت نے بلدیات کا چارج لینے کے بعد بلدیہ وسطی کے مختلف شعبہ جات کو فعال کیا ۔انہوں نے کہا کہ بلدیہ وسطی ضلع کے اُجڑے ہوئے پارکس و پلے گراؤنڈز کی مرمت اور تز ئین و آرائش کے ساتھ ساتھ26 کلو میٹر گرین بیلٹس کو شجر کاری کے زریعے دلکش اور خوبصورت پھول پودوں سے آراستہ کر رہی ہے ،چیئرمین نے مزید کہا کہ بلدیہ وسطی کی انتظامیہ فنڈز کی کمی کی وجہ سے مرحلہ وار پارکس ،پلے گراؤنڈز اور شاہراہوں کی تعمیر اور تزین و آرائش کررہی ہے حق پرست بلدیاتی قیادت نے ایک سال کی مختصر مدت میں تقریباً 65 پارکس و پلے گراؤنڈز کو آباد کرکے عوام کے حوالے کردیا ہے ۔