ہادی حسین نے موسیٰ ہارون کو ہراکر پنجاب ٹینس چیمپئن شپ جیت لی

لاہور(سپورٹس رپورٹر) ہادی حسین نے پنجاب ٹینس چیمپئن شپ کے مینز سنگلز کا ٹائٹل جیت لیا۔فائنل میں ہادی حسین نے موسیٰ ہارون کو  6-1، 6-2 سے شکست دی۔مینز ڈبلز فائنل میں موسیٰ ہارون اور طلحہ سلیم کی جوڑی نے احسن جاوید اور طٰہٰ سلیم کو 9-8 سے ہرایا۔ سینئرز ڈبلز 60+ کا ٹائٹل راشد ملک اور بریگیڈیئر غضنفر نے جیتا، سلیم خان اور ڈاکٹر مشتاق ہارون کو 8-2 سے شکست دی۔ بوائز انڈر18 فائنل میں اسد زمان نے اوحدِ مصطفیٰ کو 6-2 سے ہرا کر ٹائٹل نام کیا۔ گرلز انڈر18 اور انڈر14 دونوں ٹائٹلز بسمل ضیاء کے نام رہے،  انڈر18  میں رومیسہ ملک کو 6-1 اور انڈر14 میں خدیجہ خلیل کو 6-4 سے شکست دی۔بوائز انڈر14 کے فائنل میں محمد ایان نے اوحدِ مصطفیٰ کو 7-5 سے ہرایا، تاہم بعد ازاں ایان کو انڈر12 کے فائنل میں محمد معاذ نے 7-5 سے شکست دی۔