شیخوپورہ: اینٹی کرپشن کی کارروائی ضمانت خارج ہونے پر ملزم گرفتار

شیخوپورہ(نمائندہ نوائے وقت)تھانہ اینٹی کرپشن کی ٹیم نے کچہری سے ملزم کو گرفتار کر لیاجس کی سینئر سپیشل جج اینٹی کرپشن پنجاب لاہور نے ضمانت خارج کر رکھی تھی، ملزم کی گرفتاری سرکل آفیسر انٹی کرپشن شیخوپورہ رانا خاور عباس کی سربراہی میں کارروائی کر کے عمل میں لائی گئی، مذکورہ ملزم رفیع اللہ پنجاب پبلک سروس کمیشن میں بطور کلرک ملازم تھا جس کیخلاف شہری سعادت علی سے ایف آئی اے میں نوکری دلوانے کا جھانسہ دیکر 18لاکھ روپے بٹورنے کا مقدمہ درج تھا جس میں اسکی ضمانت سینئر سپیشل جج اینٹی کرپشن پنجاب لاہور نے خارج کررکھی تھی۔