سندھ حکومت کا خواتین کوبااختیار بنانے کامشن

خواتین کی بااختیاری ایسا عمل ہے جس میں خواتین کو اپنی زندگیوں پر قابو پانے کے لئے وہ تمام اوزار، وسائل اور مواقع فراہم کیے جاتے ہیں جن کی بدولت وہ معاشی، سماجی اور سیاسی طور پر کامیاب ہو سکیں۔ یہ ایک ایسا ماحول تخلیق کرنے کی کوشش ہے جس میں خواتین فیصلہ سازی میں فعال طور پر حصہ لے سکیں، وسائل تک مساوی رسائی حاصل کر سکیں اور معاشی یا سماجی رکاوٹوں سے آزاد ہو کر آزادانہ زندگی گزار سکیں۔حقیقی بااختیاری تب دکھائی دیتی ہے جب خواتین جائیداد کی مالک ہوں، مالی طور پر آزاد ہوں، قیادت کے عہدوں پر فائز ہوں اور اپنے معاشروں میں بامعنی کردار ادا کر سکیں۔ بااختیار خواتین نہ صرف اپنے مستقبل کے بارے میں فیصلے کرتی ہیں، بلکہ وسائل کا مؤثر انداز میں انتظام بھی کرتی ہیں اور مشکلات کا مقابلہ کرنے کی طاقت بھی رکھتی ہیں۔سندھ پیپلز ہاؤسنگ فار فلڈ افیکٹس صرف قدرتی آفات کے بعد کی تعمیر نو کا پروگرام نہیں ہے، بلکہ یہ  ایسا انقلابی قدم ہے جو خواتین کی بااختیاری کی حقیقت کو پیش کرتا ہے۔ اس پروگرام کا آغاز چیئرمین بلاول بھٹو زرداری کی قیادت میں ہوا، جنہوں نے یہ عہد کیا کہ اس پروگرام کے تحت تعمیر ہونے والے ہر گھر کی ملکیت ایک خاتون کے نام پر ہوگی۔ چیئرمین بلاول بھٹو زرداری نہ صرف گاؤں گاؤں جا کر خواتین سے ملاقات کرتے ہیں، بلکہ ان کے ساتھ بات چیت کرتے ہوئے یہ پیغام بھی دیتے ہیں کہ خواتین ہی بحالی کے عمل کا مرکز ہیں۔ ان کی قیادت میں یہ پیغام واضح ہوتا ہے کہ خواتین کی بااختیاری صرف ایک پالیسی مقصد نہیں ہے بلکہ ایک حقیقی عزم ہے جو براہ راست نچلی سطح پر نافذ کیا جا رہا ہے'' خواتین کو بااختیار بنانے کے مندرجہ ذیل  اقدامات نمایاں ہیں ایس پی ایچ ایف کا ایک اہم پہلو خواتین کو رسمی مالیاتی نظام تک رسائی دینا ہے۔ 95% خواتین جو اس پروگرام سے مستفید ہوئی ہیں، ان کی زندگی میں پہلی بار یہ موقع آیا کہ وہ کسی بینک کا دورہ کریں۔ ان کے نام پر بینک اکانٹس کھول کر، ایس پی ایچ ایف خواتین کو اپنے مالیات کا انتظام کرنے کا اختیار دیتا ہے اور اس طرح انہیں مالیاتی آزادی ملتی ہے۔ خواتین اکثر قدرتی آفات کے دوران گھر کی دیکھ بھال اور کمیونٹی کی دیکھ بھال میں سب سے آگے ہوتی ہیں۔ اسکے ذریعے خواتین کو قدرتی آفات سے محفوظ رہنے والے گھروں کی تعمیر کی سہولت فراہم کی جاتی ہے، جس سے ان کی صلاحیت میں اضافہ ہوتا ہے اور وہ بحرانوں کے دوران اہم کردار ادا کرنے میں کامیاب ہوتی ہیں۔ایس پی ایچ ایف خواتین کو جائیداد اور گھروں کی ملکیت دے کر مالی آزادی اور تحفظ فراہم کرتا ہے۔ خواتین کو جائیداد کی ملکیت کا حق دینا ایک انقلابی تبدیلی ہے، جس سے انہیں طویل المدتی مالی منصوبہ بندی اور اقتصادی مواقع حاصل ہوتے ہیں۔ایس پی ایچ ایف خواتین کو جائیداد کے مالک کے طور پر تسلیم کرتا ہے، جس سے سماجی لحاظ سے ان کی اہمیت اور پہچان بڑھتی ہے۔ یہ تبدیلی خواتین کے خاندانوں اور معاشروں میں ان کی حیثیت کو نئی شکل دیتی ہے اور ترقی، قیادت اور حکمرانی میں ان کے کردار کو اجاگر کرتی ہیں۔
ایس پی ایچ ایف کا سب سے اہم پہلو یہ ہے کہ یہ خواتین کو صرف فائدہ اٹھانے والی نہیں بلکہ فیصلہ ساز بناتا ہے۔ خواتین اب اپنے پیسوں کا انتظام کرنے، سامان خریدنے، مزدوروں کو اجرت دینے اور تعمیرات کی نگرانی کرنے میں خودمختار ہیں
ایس پی ایچ ایف نے نہ صرف خواتین کو زمین کی ملکیت دے کر ان کی انفرادی اور گھریلو سلامتی کو بہتر بنایا ہے، بلکہ اس سے پورے معاشرے میں مثبت تبدیلی کی لہر دوڑائی ہے۔ خواتین اب اپنے گھروں کی ملکیت کو کاروباری مواقع، تعلیم اور صحت میں سرمایہ کاری کرنے اور طویل مدتی اقتصادی بحالی کے لیے استعمال کر سکتی ہیں۔سندھ حکومت کی ایس پی ایچ ایف کے ذریعے نہ صرف گھر تعمیر کیے جا رہے ہیں بلکہ خواتین کو پائیدار ترقی کے ایک نئے وژن کا حصہ بنایا جا رہا ہے۔ چیئرمین بلاول بھٹو زرداری کی قیادت میں یہ پروگرام ایک نئی نسل کے پراعتماد، مضبوط اور بااختیار خواتین کا قیام کر رہا ہے جو نا صرف اپنے گھروں کی تعمیر کر رہی ہیں بلکہ پاکستان میں بحالی اور مزاحمت کے نئے بیانیے کو تشکیل دے رہی ہیں۔حکومت سندھ کا یہ قدم  اس بات کا ثبوت  ہے کہ سندھ پیپلز ہاؤسنگ پروگرام ایک عملی قدم ہے جو خواتین کو ان کے حقوق، وسائل اور قیادت کی طاقت کے حوالے سے ایک نئی امید فراہم کرتا ہے۔