لاہور(سپورٹس رپورٹر)چیئرمین پاکستان کرکٹ بورڈ رمیز راجہ نے 6 ماہ کے اخراجات کی تفصیل ویب سائٹ پر جاری کردی ہے۔دستاویزات کے مطابق رمیز راجہ نے 6 ماہ میں 39 لاکھ 17 ہزار روپے کی رقم خرچ کی، انہوں نے صرف وہیکل الاوئنس کی مد میں 5 لاکھ 77 ہزار روپے سے زائد رقم خرچ کی۔ موبائل، سکیورٹی اور میڈیکل کی مد میں 4 لاکھ 15 ہزار روپے لئے گئے۔اندرون ملک سفر پر 26 لاکھ 78 ہزار 985 روپے اور غیر ملکی دوروں پر 2 لاکھ 39 ہزار روپے سے زائد خرچ ہوئے۔