صدر بم دھماکے کے مجرموں کو گرفتار متاثرین کو معاوضہ دیا جائے۔ ایم کیو ایس سی
کراچی (نیوز رپورٹر) مرکزی مجلس عاملہ و اراکین مجلس محب قومی سماجی کونسل (ایم کیو ایس سی) پاکستان نے شہر قائد کے مصروف ترین علاقے صدر میں بم دھماکہ اور اس کے نتیجے میں قیمتی جان و مال کے نقصان کی شدید مذمت کی ہے اور بم دھماکے میں ملوث مجرموں کو فوری گرفتار کرکے انہیں کیفر کردار تک پہنچانے اور دھماکے میں ہلاک زخمی ہونے والوں کے لواحقین، مالی نقصانات کے متاثرین کو فی الفور مالی معاوضہ دینے کا مطالبہ کیا ہے بیان میں مزید کہا گیا کہ شہر کراچی میں حالیہ بم دھماکہ، اسٹریٹ کرائم، قتل و راہزنی کی بڑھتی وارداتوں سمیت کوٹری کے قریب بولاری کے مقام پر رحمان بابا ایکسپریس کو حادثہ سے حکمرانوں کی کارکردگی سوالیہ نشان بن گئی ہے۔
ایم کیو ایس سی
حکومت تمام مقامی آئل مارکیٹنگ کمپنیز کے بقااجات ادا کرے‘رحمت وردگ
کراچی (نیوز رپورٹر) تحریک استقلال کے مرکزی صدر رحمت خان وردگ نے کہا ہے کہ حکومت تمام مقامی آئل مارکیٹنگ کمپنیز کے بقااجات ادا کرے اور آئل مارکیٹنگ کمپنیز سے پی ڈی سی کی مدمیں
ڈیزل پر 73 روپے لیٹر اور پیٹرول پر 30 روپے لیٹر پی ڈی سی کٹوتی کا سلسلہ بند ہونا چاہئے کیونکہ کمپنی کمیشن صرف 4 روپے لیٹر ہے۔ حکومت کے انہی اقدامات کی وجہ سے کمپنیاں ڈیزل اور پیٹرول نہیں منگوا سکتیں جسکی وجہ سے ملک میں پیٹرولیم مصنوعات کی قلت ہے۔ انہوں نے کہا کہ حکومت خود ڈیزل پیٹرول منگواکر تمام آئل مارکیٹنگ کمپنیز کو فروخت کرے تاکہ پیٹرولیم مصنوعات کی قلت ختم ہوسکے۔ انہوں نے مزید کہا کہ موجودہ حکومت کو مہنگائی ورثے میں ملی ہے۔ پی ٹی آئی حکومت نے اپنی ناکامی دیکھ کر دانستہ طور پر پیٹرولیم مصنوعات کی قیمتیں نہیں بڑھائیں تاکہ آنے والی حکومت یہ غیر معروف سخت فیصلہ کرے تو عوام اسکے خلاف ہوجائیں اسی وجہ سے ماہانہ قومی خزانے کو پیٹرولیم سبسڈی کی وجہ سے 100 ارب سے زیادہ کا نقصان ہورہا ہے۔ پیٹرولیم مصنوعات کی قیمتیں عالمی منڈی کے مطابق کرکے خوراک پر سبسڈی دی جائے اور مصنوعی مہنگائی و ناجائز منافع خوری کا سختی سے سدباب ہونا چاہئے۔ اگر حکومت نے اس متعلق بروقت فیصلے نہ کئے تو خدانخواستہ سری لنکا کی طرح معیشت دیوالیہ ہوسکتی ہے۔ انہوں نے کہا کہ مشرف نے جب اقتدار سنبھالا تھا تو اس وقت مارک اپ ریٹ 28% تھا لیکن مشرف کی حکومت کے پہلے سال ہی یہ شرح 4% پر آگئی تھی اور کھانے پینے کی اشیا و پیٹرولیم مصنوعات سستی تھیں اور اسی وجہ سے عمران خان نے جنرل مشرف کے ریفرنڈم میں انکی حمایت کی تھی لیکن مشرف کی جانب سے بڑا عہدہ نہ دیئے جانے پر اب عمران خان انکے خلاف بے بنیاد بیان بازی کر رہے ہیں۔ انہوں نے کہا کہ سب سیاستدان اب ملک کو اس نہج پر پہنچانے کے بعد اپنی ناکامیوں پر پردہ ڈالنے کے لئے فوج کو سیاست میں گھسیٹنے کی کوشش کر رہے ہیں تاکہ فوج بار بار تنبیہہ کے باوجود اشتعال انگیز بیانات ختم نہ ہونے پر مجبورا اقتدار سنبھال لے اور انکی ناکامیوں پر پردہ پڑ جائے۔