حضور اکرم ﷺوسلم کا طریقہ ءطعام
حضرت ابوقتادہ رضی اللہ عنہ ایک طویل حدیث بیان فرماتے ہیں جس میں حضور رحمت للعالمین صلی اللہ علیہ وسلم شدت پیاس سے نڈھال ،ہجوم کو معجزانہ طورپر پانی پلارہے ہیں اوران کو اس صورتحال میں پانی پینے کا طریقہ سمجھارہے ہیں۔۔حضور علیہ الصلوٰة والسلام نے وضوکا برتن منگوایا۔ آپ صلی اللہ علیہ وسلم نے برتن سے پانی انڈیلناشروع کیا اور حضرت ابوقتادہ رضی اللہ عنہ نے وہ پانی لوگوں کو پلانا شروع کردیا۔ لوگوں کا یہ دیکھنا تھا کہ پانی کے برتن میں کچھ ہے کہ وہ اس پر ہجوم کرآئے۔ حضور اکرم ﷺنے ارشادفرمایا: لوگو! بہتر رویہ اختیار کرو، تم سب سیراب ہوجاﺅگے ۔ لوگوں نے حکم رسول کی تعمیل کی۔ آپ صلی اللہ علیہ وسلم پانی انڈیلتے رہے اورمیں لوگوں کو پلاتا رہا حتی کہ میرے اورحضور صلی اللہ علیہ وسلم کے بغیر کوئی شخص باقی نہ بچا۔ پھر نبی کریم ﷺ نے پانی انڈیلا اورمجھے فرمایا: پیو!میںنے عرض کی: یا رسول اللہ ﷺ!میںاس وقت تک پانی نہیں پیوں گا جب تک کہ آپ پانی نوش نہ فرمالیں۔ آپ نے فرمایا: جو ساقی ہوتا ہے وہ سب لوگوں کے بعد پیتا ہے ۔ پھر میںنے پانی پیااورحضور اکرم ﷺنے بھی پانی پیااورلوگ سیراب ہوکر بڑے آرام اورسکون کے ساتھ پانی تک پہنچے۔(صحیح مسلم)
حضرت حذیفہ رضی اللہ عنہ بیان فرماتے ہیں ،ہم جب نبی کریم ﷺکی معیت میں کھانے پر حاضر ہوتے تو ہم اس وقت تک اپنے ہاتھ کھانے میں نہیں ڈالتے تھے جب تک کہ حضورعلیہ الصلوٰة والسلام کھانا شروع نہ فرمادیتے ۔ ایک روز ہم آپ ﷺ کی معیت میں کھانے پر حاضرہوئے ۔ایک لڑکی بڑی تیزی سے آئی گویا کوئی اس کو پیچھے سے دھکیل رہا ہو۔ وہ کھانے میں ہاتھ ڈالنے لگی تو حضور رحمت عالم ﷺ نے اس کے ہاتھ کو پکڑلیا۔ پھر ایک بدوتیزی سے آیا گویا کوئی اسکے پیچھے لگا ہوا ہو۔ آپ نے اس کا بھی ہاتھ پکڑلیا۔ اس پر آپ نے فرمایا: اگر کھانے پر خدا کانام نہ لیا جائے تو شیطان اس کھانے کو اپنے لیے حلال سمجھ لیتا ہے۔ وہ (شیطان)اس لڑکی کو لے کر آیا کہ اسکے ذریعے اس کھانے کو اپنے لیے حلال کرے تو میںنے اس لڑکی کا ہاتھ پکڑلیا۔ وہ اس اعرابی کولے کر آیا کہ اس کے ذریعے اس کھانے کو حلال کرے تو میںنے اسکے ہاتھ کو بھی پکڑلیا۔ اس ذات کی قسم جس کے قبضہ قدرت میںمیری جان ہے، اب اس کا اس لڑکی کے ہاتھ کے ساتھ میرے ہاتھ میں ہے۔(صحیح مسلم)حضرت سالم اپنے والد ماجد ؓسے روایت کرتے ہیں کہ انہوںنے فرمایا: حضور اکرم صلی اللہ علیہ وسلم نے کھانے کے دوطریقوں سے منع فرمایا ہے ۔ ایسے دسترخوان پر بیٹھ کر کھانے سے منع فرمایا ہے جس پر شراب پی جاتی ہو اورآپ نے اس سے بھی منع فرمایا ہے کہ کوئی شخص اپنے پیٹ کے بل لیٹے ہوئے کھائے۔(سنن ابی داﺅد)
