وفاقی وزیر برائے منصوبہ بندی اسد عمر نے کہا ہے کہ وزیراعلی سندھ سید مرادعلی شاہ وفاق کے ترقیاتی کاموں سے ناراض ہیں۔کراچی شہر کے مختلف علاقوں کے دورے کے دوران میڈیا سے گفتگو کرتے ہوئے اسدعمر نے کہا کہ وزیراعلی سندھ کہتے ہیں کہ وفاق کراچی میں ترقیاتی کام کیوں کرا رہا ہے؟انہوں نے کہا کہ ویسے سید مراد علی شاہ درست کہتے ہیں کیوںکہ گلیوں میں کام کرانا وفاق کا کام نہیں ہے تاہم انہوں نے کہا کہ اگر صوبائی حکومت کام نہیں کرے گی تو مجبورا وفاق کو گلیوں میں کام کرنا پڑے گا۔ وفاقی وزیر اسد عمر نے کہا کہ کراچی کی گلیوں کو دہائیوں سے نظر انداز کیا گیا ہے۔ انہوں نے کہا کہ کراچی سندھ کا حصہ ہے اور وفاق اپنے صوبوں کو نظر انداز نہیں کرتا ہے۔ اسد عمر نے شہر قائد کے مختلف علاقوں کا دورہ کیا جس کے دوران انہوں نے جاری ترقیاتی کاموں کا جائزہ لیا۔پی ٹی آئی سے تعلق رکھنے والے وفاقی وزیر اسد عمر کے ہمراہ اس دورے کے دوران رکن قومی اسمبلی عالمگیر خان اور رکن صوبائی اسمبلی ارسلان تاج بھی تھے۔ وفاقی وزیر برائے منصوبہ بندی اسد عمر نے دورے کے دوران موٹر سائیکل پہ بھی سفر کیا۔ انہوں نے گلستان جوہر اور گلشن اقبال کا بھی دورہ کیا۔
پنجاب حکومت نے پیر کو چھٹی کا اعلان کر دیا
Mar 28, 2024 | 17:38