فیڈرل بورڈ آف ریونیو کے چیئرمین شبر زیدی نے کہا ہے کہ گزشتہ سال کیلئے ٹیکس گوشوارے جمع کرانے کے لئے اگلے ماہ کی دو تاریخ تک توسیع کی گئی ہے۔ اسلام آباد میں ایک پریس ریلیز میں انہوں نے لوگوں پرزور دیا کہ وہ اس موقع سے فائدہ اٹھائیں اور مشکلات سے بچنے کیلئے اپنے ٹیکس گوشوارے بروقت جمع کرائیں۔انہوں نے کہا کہ انکم ٹیکس آرڈی نینس کے مطابق اُن افراد کیلئے ٹیکس گوشوارے جمع کرانا لازمی ہے جو پانچ سو مربع گز سے زائد رقبے پر محیط مکان یا ہزار سی سی سے زیادہ کی گاڑی کے مالک ہیں۔انہوں نے کہا کہ انکم ٹیکس آرڈ ی نینس2001 کی شق181AA کے مطابق گیس اور بجلی کے تجارتی اور صنعتی صارفین کیلئے ٹیکس دہندگان کی فعال فہرست کا حصہ بننا ناگزیر ہے۔
بول کہ لب آزاد ہیں تیرے … یاد نہیں دلائوں گا
Mar 18, 2024