ترک صدر رجب طیب اردوان اسلامی دنیا کی مقبول ترین شخصیت بن گئے جبکہ دنیا بھر میں ان کا پانچواں نمبر ہے۔
گیلپ انٹرنیشنل نے دنیا بھر میں مقبول ترین سربراہان مملکت کی فہرست جاری کر دی ، ترک صدر 30 فیصد مقبولیت کے ساتھ مسلم دنیا میں سرفہرست لیڈر رہے جبکہ سعودی عرب کے بادشاہ شاہ سلمان 25 فیصد مقبولیت کے ساتھ دوسرے نمبر پر اور ایران کے صدر حسن روحانی کی مقبولیت 21 فیصد کے لحاظ سے تیسرے نمبر پر ہیں۔
عالمی سطح پر سرفہرست رہنماوں میں جرمن چانسلر پہلے اور فرانسسی صدر میکرون دوسرے نمبر پر ہیں جبکہ روسی صدر پوٹن امریکی صدر ٹرمپ سے آگے ہیں۔جرمنی کی چانسلر اینجلا مرکل کو 46 فی صد افراد کی پسندیدگی حاصل ہوئی اور وہ دنیا بھر کی مقبول ترین لیڈر قرار پائیں جبکہ فرانس کے صدر میکرون کا دوسرا، روسی صدر پوٹن کا تیسرا نمبر اور دنیا میں 31 فیصد مقبولیت کے ساتھ امریکا کے صدر ڈونلڈ ٹرمپ چوتھے نمبر پر ہیں۔برطانیہ کے وزیراعظم بورس جانسن اور ترک صدر اردوان دونوں ہی کی مقبولیت تیس فیصد ہے، اس طرح دونوں پانچویں نمبر پر ہیں۔
گیلپ انٹرنیشنل کے بیان کے مطابق سروے میں پوری دنیا سے 50261 افراد کو انٹرویو زمیں شامل کیا گیا، گزشتہ سال نومبر اور دسمبر میں ہر ملک سے لگ بھگ 1000 مراد اور خواتین کا انتخاب کیا گیا۔ جن سے فیس ٹو فیس، آن لائن اور ٹیلی فون پر انٹرویوز کئے گئے۔
پنجاب حکومت نے پیر کو چھٹی کا اعلان کر دیا
Mar 28, 2024 | 17:38