بھارت کی بارڈور سیکورٹی فورس (بی ایس ایف) نے ایک ذہنی معذور پاکستانی کی جان لے لی اور نعش بھی اٹھا کر لے گئی۔میڈیا رپورٹ کے مطابق ورکنگ باونڈری کے بھوپالپور سیکٹر پر بھارت کی بی ایس ایف نے فائرنگ کرکے 58 سالہ شخص کو اس وقت شہید کردیا جب وہ غلطی سے زیرو لائن پہ چلا گیا تھا۔بھارت کی بی ایس ایف کی فائرنگ سے جان کی بازی ہارنے والے شخص کی شناخت نیاز احمد کے نام سے ہوئی ہے جو محلہ اسلام آباد کا رہائشی اور ذہنی اعتبار سے معذور تھا،علاقے سے موصولہ اطلاعات کے مطابق بھارت کی بی ایس ایف اپنی فائرنگ سے جاں بحق ہونے والے نیاز احمد کی نعش بھی اپنے ہمراہ لے گئی۔میڈیا رپورٹ کے مطابق واقعہ کی اطلاع پر جب سیکورٹی حکام نے بھارتی حکام سے رابطہ کیا تو انہوں نے وعدہ کیاکہ وہ نیاز احمد کی نعش پاکستان کے حوالے کردیں گے۔بھارت کی جانب سے تسلسل کے ساتھ ورکنگ باو¿نڈری اور ایل او سی پر فائرنگ کی جاتی ہے جس کا نشانہ پاک افواج کے جوان اور مقامی آبادی بنتی ہے،پاکستان متعدد مرتبہ بھارت کی جانب سے کی جانے والی زیادتیوں پر عالمی برادری کی توجہ مبذول کرا چکا ہے۔