وکلاء کی توڑ پھوڑ کی وجہ سے انسانی جانوں کا نقصان ہوا،غلط کام کی سزا تو ملنی چاہیے:ڈاکٹر یاسمین راشد
وزیر صحت پنجاب ڈاکٹر یاسمین راشد نے کہاہے پنجاب انسٹیٹیوٹ آف کارڈیالوجی (پی آئی سی)کی ایمرجنسی سروس بحال کر دی گئی ہے، وکلاء کی توڑ پھوڑ کی وجہ سے انسانی جانوں کا نقصان ہوا، غلط کام کی سزا تو ملنی چاہیے۔ڈاکٹر یاسمین راشد نے نجی ٹی وی چینل سے گفتگو کرتے ہوئے بتایا کہ دو روز تک پی آئی سی میں مریضوں کا علاج نہیں ہو سکا تھا۔صوبائی وزیر صحت کا کہنا تھا وکلاء کی توڑ پھوڑ کی وجہ سے انسانی جانوں کا نقصان ہوا، غلط کام کی سزا تو ملنی چاہیے۔ ایک نجی ٹی وی سے بات کرتے ہوئے پی آئی سی کے ڈاکٹر امیر نے بتایا کہ وکلا کے حملے میں توڑی گئی مشینوں کی جگہ نئی مشینیں اور شیشوں کی جگہ نئے شیشے لگا دیئے گئے ہیں جبکہ اسپتال کی تمام تر ایمرجنسی اور ان ڈور طبی سہولتیں بھی بحال کر دی گئی ہیں۔
