پی ایس ایل سیزن 10،  پولیس کی جانب سے فول پروف سیکورٹی انتظامات

راولپنڈی (اپنے سٹاف رپورٹرسے)پی ایس ایل سیزن 10،راولپنڈی کرکٹ سٹیڈیم میں تیسرا میچ، کوئٹہ گلیڈئیٹرز بمقابلہ لاہور قلندرز،راولپنڈی پولیس کی جانب سے فول پروف سیکورٹی انتظامات، راولپنڈی پولیس کے 6000 پولیس افسران و جوان سیکورٹی و ٹریفک کے فرائض سرانجام دے رہے ہیں،تمام سینئر افسران فیلڈ میں موجود رہ کر ڈیوٹی پر مامور افسران کو چیک اور بریف کررہے ہیں، شائقین کرکٹ کو واک تھرو گیٹ اور مکمل باڈی سرچنگ کے بعد سٹیڈیم میں داخلے کی اجازت دی جائے گی،راولپنڈی پولیس پی ایس ایل میچز کے دوران شہریوں کو پر سہولت اور خوشگوار ماحول کی فراہمی یقینی بنانے کے لیے تمام وسائل بروئے کار لارہی ہے،سی پی او سید خالد ہمدانی۔ تفصیلات کے مطابق پی ایس ایل سیزن 10،راولپنڈی کرکٹ سٹیڈیم میں تیسرا میچ، کوئٹہ گلیڈئیٹرز بمقابلہ لاہور قلندرز،راولپنڈی پولیس کی جانب سے فول پروف سیکورٹی انتظامات کیے گئے، راولپنڈی پولیس کے 6000 پولیس افسران و جوان سیکورٹی و ٹریفک کے فرائض سرانجام دے رہے ہیں،تمام سینئرافسران فیلڈ میں موجود رہ کر ڈیوٹی پر مامور افسران کو چیک اور بریف کررہے ہیں،سٹیڈیم کے گردونواح میں ایلیٹ فورس، ڈولفن فورس اور تھانوں کی موبائلز گشت کر رہی ہیں شائقین کرکٹ کو واک تھرو گیٹ اور مکمل باڈی سرچنگ کے بعد سٹیڈیم میں داخلے کی اجازت دی جائے گی،سی پی او سید خالد ہمدانی کا کہنا تھاکہ پاور بینک، ہینڈ فری، ائیر پوڈز، کھانے پینے کی اشیا سمیت کوئی ممنوعہ شے ساتھ لے جانے کی اجازت نہیں ہے،پاک فوج، رینجرز، دیگر سیکورٹی اداروں اور ضلعی انتظامیہ کے ربط سے فول پروف سیکورٹی انتظامات کویقینی بنایا جارہا ہے،راولپنڈی پولیس پی ایس ایل میچز کے دوران شہریوں کو پر سہولت اور خوشگوار ماحول کی فراہمی یقینی بنانے کے لیے تمام وسائل بروئے کار لارہی ہے۔