حکومت دعوئوں کے بجائے عوام کو حقیقی ریلیف فراہم کرے :بیرسٹر سیف

 پشاور( بیورورپورٹ) مشیر اطلاعات خیبرپی کے نے کہا ہے کہ حکومت دعوئوں کے بجائے عوام کو حقیقی ریلیف فراہم کرے۔ انہوں نے کہا وزیر خزانہ کے اعترافی بیان نے حکومت کے دعوئوں کا پول کھول دیا اور حقیقت عوام کے سامنے رکھ دی ہے۔بیرسٹر سیف نے کہا کہ اب مارکیٹوں میں خریداری کے وقت جب شہباز شریف کی رنگ ٹون بجتی ہے تو لوگ غصے میں آ جاتے ہیں۔حکومت پر تنقید کرتے ہوئے انہوں نے کہا طفل تسلیوں اور دکھاوے پر مبنی بیانات اب مزید نہیں چلیں گے، عوام کو حقیقی ریلیف کی ضرورت ہے۔انہوں نے مطالبہ کیا کہ حکومت سنجیدگی کا مظاہرہ کرے اور فوری طور پر عوامی مسائل کے حل کے لیے ٹھوس اقدامات اٹھائے۔