چیف سیکرٹری پنجاب کاکمشنر ، ڈپٹی کمشنر کے ہمراہ ٹی ایچ کیو ہسپتال مری کا دورہ

راولپنڈی (اپنے سٹاف رپورٹر سے)چیف سیکرٹری پنجاب زاہد اخترزمان نے کمشنر راولپنڈی عامر خٹک، ڈپٹی کمشنر مری ظہیر عباس شیرازی ، اے ڈی سی آر کیپٹن قاسم اعجاز اور اسسٹنٹ کمشنر مری عبد الوہاب خان کے ہمراہ تحصیل ہیڈکوارٹرز ہسپتال مری کا اچانک دورہ کیا اور ہسپتال کے شعبہ ایمرجنسی اور شعبہ داخل مریضاں کا تفصیلی معائنہ کیا اور ہسپتال میں داخل مریضوں اور ان کے لواحقین سے ہسپتال میں دستیاب سہولیات کے بارے میں آگہی حاصل کی اس موقع پر میڈیکل سپرنٹنڈنٹ ڈاکٹر عبدالسلام عباسی نے چیف سیکرٹری کو ہسپتال کے بارے میں تفصیلی بریفننگ دی اور ہسپتال میں ڈاکٹروں، نرسوں ، پیرا میڈیکل سٹاف اور معاون سٹاف کی کمی کے بارے میں بتایا اور چیف سیکرٹری سے درخواست کی کہ مری کے مقامی ڈسپنسرز کو تحصیل ہیڈکوارٹر ہسپتال مری میں بھرتی کیا جائیاس کے علاوہ انہوں نے ہسپتال میں سٹاف کیلئے رہائش کی عدم دستیابی اور  ادویات کی کمی اور ہسپتال کے بجٹ کی کمی جیسے مسائل سے آگاہ کیا جنکو چیف سیکرٹری نیجلد حل کرنے کی یقین دھانی کرائی۔ دورے کے آخر میں چیف سیکرٹری پنجاب نے ہسپتال میں صفائی ستھرائی کے بہترین انتظامات اور مریضوں کو دی جانے والی سہولیات پر ہسپتال انتظامیہ کی ستائش کی۔