کراچی ( نامہ نگار ) سرائیکی قومی اتحاد نے پنجاب کی تقسیم اور سرائیکی صوبہ کی تشکیل کا مطالبہ کیا ہے اور ایم کیو ایم کی طرف سے حمایت پر شکریہ ادا کیا ہے۔ کراچی پریس کلب میںایک پریس کانفرنس سے خطاب کرتے ہوئے اتحاد کے چیئرمین ریٹائرڈ کرنل عبدالجبار عباسی نے کہا کہ سرائیکی آبادی 7 کروڑ کے لگ بھگ ہے ۔ جو 18 اضلاع میں ہے۔ پی پی پی نے صوبہ سرحد کا نام خیبر پختونخواہ رکھ دیا۔ انہوں نے کہا کہ حکومت نے 18 ویں ترمیم میں سرائیکی صوبہ کو شامل نہیں کیا تو سرائیکی پارٹیاں احتجاج کی کال دیںگے جنوبی پنجاب میں کل ہڑتال ہوگی۔ صوبے بننے تک یہ تحریک جاری رہے اور اگر اس کو حکومت کی طرف سے روکنے یاطاقت کے ذریعے دبانے کی کوشش کی گئی تو اس کے پھر سنگین نتائج برآمد ہوں گے ا ور کسی بھی قسم کے جانی و مالی نقصان کی ذمہ داری بھی حکومت پر ہوگی۔ پریس کانفرنس میںپاکستان سرائیکی قومی اتحاد کے کنوینر مہر شکیل شاکر‘ سینئر وائس چیئرمین حاجی‘ ربنواز‘ وائس چیئرمین پرویز مغل‘ جنرل سیکرٹری ملک سعید احمد‘ جوائنٹ سیکرٹی نذیر احمد ترہیلی ‘ انفارمیشن سیکرٹری لیاقت علی خان‘ فنانس سیکرٹری سیدعابد حسین شاہ نقوی‘ صوبائی صدر سندھ مہر شفیق احمد‘ کراچی ڈویژن کے صدر ماسٹر عبدالرزاق ‘ جنرل سیکرٹری ظفر بھٹی‘ انور گل جتوئی‘ سید مخدوم اکبر شاہ اور یوتھ ونگ کے صدر بلال گھوٹیہ‘ جنرل سیکرٹری اختر جتوئی‘ گڈاپ ٹاﺅن کے صدر گلبہار تبسم‘ اکمل عباسی‘ جمیل عباسی سمیت مرکزی رہنماﺅں نے شرکت کی۔