لاہور( خصوصی رپورٹر) لوڈشیڈنگ، مہنگائی، بے روزگاری اور پٹرولیم مصنوعات کے خلاف احتجاج کا سلسلہ گزشتہ روز بھی جاری رہا۔ تحریک انصاف نے صدر لاہور میاں محمود الرشید کی قیادت میں اس سلسلے میں نجف کالونی سے بھیکے وال موڑ تک احتجاجی ریلی نکالی۔ ریلی کے شرکاءنے بینر اور کتبے اٹھا رکھے تھے جن پر حکومت مخالف نعرے درج تھے ۔ کارکنوں نے سینہ کوبی کی اور بجلی چور ہائے ہائے، آٹا چور ہائے ہائے، آٹا چور ہائے ہائے، لوڈشیڈنگ بند کرو کے نعرے لگائے۔ ریلی کا اختتام بھیکے وال موڑ پر ہوا جہاں میاں محمود الرشید، ڈاکٹر عاطف، رانا غلام احمد، فہیم چوہدری، اشتیاق ملک، رانا اختیر حسین و دیگر نے خطاب کیا۔