’’ـسگریٹ نوشی صحت کے لئے مضر ہے‘‘ یہ جملہ ہمیں ہر جگہ لکھا نظر آتا ہے اور تقریباً اس جملے کو ہر کوئی پڑھتا ہے چاہے بچہ ہو یا نوجوان یا بوڑھا ہو مگریہاں سوال یہ پیدا ہوتا ہے کی کتنے لوگ اس پر عمل کرتے ہیں۔ سگریٹ نوشی وہ زہر ہے جو انسان کو موت کے قریب لے جاتی ہے۔ اس سے نہ صرف منہ کا کینسر ہوتا ہے بلکہ جگر کی مختلف بیماریاں بھی لاحق ہوتی ہیں مگر افسوس! ہمارے ملک میںسگریٹ نوشی کی شرح بڑھ گئی ہے اورآزادانہ طریقے سے اس کی فروخت بھی کی جا رہی ہے۔ نوجوان نسل جو ہمارے ملک کا معمار ہیں وہ آج اس زہر کو کھلے عام پی رہے ہیں اور دکاندار چندپیسوں کے عیوض اس زہر کو بچوں کے ہا تھوں میں دے دیتے ہیں۔میری حکومت سے گزارش ہے کہ اس سنگین مسئلے کی طرف توجہ دی جائے اورچند عملی اقدامات کر کے سگریٹ نوشی کی کھلے عام خریدو فروخت پر پابندی لگائی جائے تا کی ہماری نوجوان نسل کو اس لت سے محفوظ کیا جا سکے۔ (ندا زہرا ۔کراچی)