سعودی عرب اور فرانس کی مشترکہ فوجی مشقیں جاری

13 اکتوبر 2016 (14:13)

سعودی عرب اور فرانس کی بری فوج کی ایلیٹ فورس کے خصوصی دستوں پر مشتمل مشترکہ فوجی مشقیں جاری ہیں۔ میڈیا رپورٹس کے مطابق سینٹول کے عنوان سے جاری ان فوجی مشقوں میں دونوں ملکوں کی فوجیں ایک دوسرے کے جنگی تجربات سے استفادہ حاصل کر رہی ہیں۔ فرانس اور سعودی فوجی دستوں کی مشترکہ مشقیں فرانسیسی شہر بومییر میں رواں ہفتے کے اوائل میں شروع ہوئی تھیں۔ ان مشقوں میں خصوصی جنگی مشن اور جنگی حالات میں وقت گذارنے سے متعلق سرگرمیوں پر توجہ مرکوز کی گئی ہے۔واضح رہے کہ سعودی عرب اور فرانس کے درمیان ہونے والی فوجی مشقیں دونوں ملکوں کے مابین فوجی تعاون سے متعلق پہلے سے طے پائے معاہدوں اور طے شدہ شیڈول کے مطابق ہوئی ہیں۔