بیجنگ(آئی این پی/شِنہوا)چینی فضائیہ کے قیام کی69ویں سالگرہ منائی گئی۔چینی فضائیہ نے مزید طاقتور جدید ایئر فورس کی تعمیر کے لیے ایک روڈمیپ کا اعلان کیا۔مذکورہ اعلان چینی فضائیہ کے نائب کمانڈر لیفٹنینٹ جنرل شو آن شیانگ نے صوبہ گوانگ دونگ کے شہر چو ہائی میں منعقدہ ایک یادگاری تقریب میں کیا۔انہوں نے کہا کہ2020تک چینی اسٹریٹیجک فضائیہ کی ابتدائی تشکیل ہو جائے گی جس میں تیسری اور چوتھی نسل کی تنصیبات پر انحصار کرتے ہوئے طاقت ،کمانڈ اوردفاع کا نظام تشکیل دیا جائے گا۔دوسرے مرحلے میں2020سے 2035 تک اسٹریٹجک فضائیہ کی صلاحیت کو بڑھایا جائے گا اور طاقت کا نظام مزید بہتر ہو جائے گا۔جب کہ تیسرے مرحلے میں موجودہ صدی کے وسط تک عالمی معیار کی اسٹریٹجک فضائیہ کا قیام مکمل ہو جائے گا۔