پاکستان سپر لیگ سیزن 10 کے باقی میچز کا مجوزہ شیڈول تیار

لاہور(سپورٹس رپورٹر) پاکستان سپر لیگ سیزن 10 کے باقی میچز کا مجوزہ شیڈول تیار کرلیا گیا۔ذرائع کے مطابق لیگ کے باقی 8 میچز 17 سے 25 مئی تک کرانے کا پلان تیار کرلیا گیا ہے۔ لیگ کے مجوزہ شیڈول کے تحت میچز راولپنڈی اور لاہور میں ہونگے۔ چیئرمین پی سی بی محسن نقوی کی منظوری کے بعد شیڈول کا جلد اعلان متوقع ہے۔یاد رہے کہ پی ایس ایل کا 10 واں ایڈیشن بھارت کی جانب سے جارحیت کی وجہ سے اس وقت ملتوی کیا گیا۔پہلے باقی 8 میچز دبئی میں منعقد کرنے کا فیصلہ ہوا مگر پھر پی سی بی نے صورتحال اور حکومتی مشورے پر ٹورنامنٹ کو غیرمعینہ مدت کیلئے ملتوی کردیا تاہم بھارت کے ساتھ جنگ بندی کے بعد صورتحال میں بہتری پر اب پی ایس ایل کو ری شیڈول کردیا گیا ہے۔