پاکستان شاہینز ‘ویسٹ انڈیز کے درمیان 3روزہ پریکٹس میچ ڈرا  

لاہور(سپورٹس رپورٹر)ویسٹ انڈیز اور پاکستان شاہینز کے درمیان کھیلا گیا سہ روزہ وارم اپ میچ ڈرا ہوگیا۔اسلام آباد کلب میں جب تیسرے دن کھیل ختم ہوا تو پاکستان شاہینز نے 312  رنز کے تعاقب میں 2  وکٹوں پر 128  رنز بنائے تھے۔ محمد ہریرہ نے 80 رنز بنائے۔ پہلی اننگز میں 74 رنز بنائے تھے۔محمد ہریرہ نے عمیر بن یوسف کے ساتھ پہلی وکٹ کی شراکت  میں 82  رنز کااضافہ کیا۔ عمیر نے 25  رنز بنائے۔جومل واریکن نے دو وکٹیں حاصل کیں۔ویسٹ انڈیز نے اپنی دوسری اننگز 5 وکٹوں پر 177  رنز بناکر ڈکلیئر کردی تھی۔  الیک اناتھاز 58  رنز ناٹ آؤٹ کیساتھ نمایاں رہے۔ٹیون املاچ نے57  رنز بناکر ناٹ آؤٹ رئے۔ دونوں نے چھٹی وکٹ پر 104  رنز بنائے۔ کیون ہوج نے 36 رنز کی اننگز کھیلی۔موسیٰ خان اور علی رضا نے دو دو وکٹیں حاصل کیں۔ ویسٹ انڈیز نے پہلی اننگز میں 8 وکٹوں پر346 جبکہ پاکستان شاہینز نے 9 وکٹوں پر 212 رنز بنائے تھے۔پاکستان اور ویسٹ انڈیز کے درمیان پہلا ٹیسٹ 17 جنوری سے ملتان میں کھیلا جائیگا۔ ملتان 25 جنوری سے شروع ہونے والے دوسرے ٹیسٹ کی بھی میزبانی کریگا۔ یہ دونوں ٹیسٹ میچز آئی سی سی ورلڈ ٹیسٹ چیمپئن شپ کا حصہ ہیں۔