لاہور (نیوز رپورٹر)گورنمنٹ گرلز ہائی سکول‘ سنت نگر‘لاہورکی طالبات اور اساتذہ نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان‘ شاہراہِ قائداعظمؒ لاہور اور علی آئیڈیل سکول‘ عابد مارکیٹ‘ فیروزپور روڈ‘لاہورکے طلبا و طالبات اور اساتذۂ کرام نے ایوانِ قائداعظمؒ، -1شاہراہِ نظریۂ پاکستان‘ جوہر ٹائون‘ لاہور کا مطالعاتی دورہ کیا اور تحریک پاکستان کی تصویری گیلریز بھی دیکھیں۔ دریں اثناء موبائل نظریاتی تعلیمی یونٹ نے گورنمنٹ ڈگری کالج برائے خواتین‘ دھرم پورہ مصطفی آباد‘لاہور‘گورنمنٹ کالج برائے خواتین‘ سلامت پورہ‘لاہور‘ایکمی فائونڈیشن سکول‘ دندیان‘ فیروزوالہ اورگورنمنٹ بوائز پرائمری سکول‘ کوٹ ہدایت‘ فیروزوالہ کا وزٹ کیا۔ ایوانِ کارکنانِ تحریکِ پاکستان‘ ایوانِ قائداعظمؒ اور مذکورہ بالا تعلیمی اداروں میں مستفید ہونے والے اساتذہ اور طلبہ کی مجموعی تعداد959تھی۔