کراچی (اے پی پی) رکن سندھ اسمبلی و صدر پاکستان تحریک انصاف کراچی خرم شیر زمان نے کہا ہے کہ وزیر اعظم عمران خان کا مقصد صرف ملک کو ترقی کی راہ پر لانا اور ناانصافی کا خاتمہ کرنا ہے، کراچی کے نوجوان باصلاحیت اور باشعور ہیں، ہمیں اپنے کارکنان پر مکمل اعتماد اور بھروسہ ہے کہ جس طرح انہوں نے عام انتخابات میں پاکستان تحریک انصاف کا پیغام ہر زبان زدعام کیا اسی طرح تنظیم سازی میں بھی اپنا کردار ادا کرینگے۔ خرم شیر زمان نے ان خیالات کا اظہار انصاف ہائوس میں ضلع وسطی اور ضلع شرقی کے کارکنان کے اجلاس کے دوران خطاب کرتے ہوئے کیا۔ اس موقع پر ان کے ہمراہ پی ٹی آئی کراچی کے جنرل سیکریٹری و رکن سندھ اسمبلی سعید آفریدی، دونوں اضلاع سے منتخب اراکین صوبائی اسمبلی اور پی ٹی آئی کراچی کابینہ کے اراکین موجود تھے۔ خرم شیر زمان نے کہا کہ تنظیم سازی کے ذریعے پارٹی کو گراس روٹ پر مضبوط کرنے کے ساتھ بلدیاتی انتخابات میں کامیاب ہو کر گلی محلوں کے مسائل کو حل کرنے میں بھی مدد ملے گی، تنظیم سازی کے بعد بلدیاتی انتخابات میں پوری قوت کے ساتھ میدان میں اتریں گے، پیپلز پارٹی کی سندھ حکومت نے شہر کا برا حال کردیا ہے، تحریک انصاف کے نمائندے بلدیاتی انتخابات میں منتخب ہو کر شہر کو ایک بار پھر ترقی یافتہ شہر بنائیں گے۔ اجلاس سے خطاب کرتے ہوئے رکن سندھ اسمبلی و جنرل سیکریٹری پی ٹی آئی کراچی سعید آفریدی نے کہا کہ پیپلز پارٹی پنجاب میں جلسے کرنے کے بجائے