بدل رہا ہے پنجاب
وزیر اعلی عثمان بزدار کچھ لوگوں کو پسند نہیں آرہے ہیں لیکن حقیقت یہ ہے کہ پنجاب میں ایک ایسے ہی بندے کی ضرورت تھی جو میڈیا کی چکا چوند کے پیچھے بھاگنے کی بجائے کام کام اور کام پہ دھیان رکھتا۔آج ہم دیکھ رہے ہیں کہ پنجاب حکومت سے مرکز کو جو توقعات رہی ہوں گی وہ اور ان کی ٹیم اس سے کہیں بڑھ کے کام کرتے نظر آرہے ہیں۔
پہلی بار پنجاب بھر میں وقف شدہ زمین کی ڈائریکٹری کا انتظا م کیا گیا ہے ۔محکمہ اوقاف پروگرام کی بہتری کو لے کے داتا دربار اور بادشاہی مسجد میں آنے والے سیاحوں اور زائرین کے لیے مددگار مراکز قائم کیے گئے ہیں۔صفائی ستھرائی کے عمل کو شہروں سے دیہات تک پھیلایا جارہا ہے ۔نئے ڈے کیئر سنٹر بن رہے ہیں اور ملازمت پیشہ خواتین کی سہولت کے لیے وویمن ہاسپٹل اتھارٹی تشکیل دی گئی ہے ۔محکمہ اعلاعات اور ثقافت کے تحت نہ صرف ضرورت مند فنکاروں کی مدد کا سلسلہ شروع ہوا بلکہ ٹیلنٹ ہنٹ پروگرام کے تحت نئے فنکاروں کی حوصلہ افزائی بھی کی جارہی ہے ۔ حکومت نے اب تک ملک بھر میں ’’پناہ گاہیں بنا کے غریبوں بے سہاروں کے لیے سر ڈھانپنے کے لیے چھت بنا دی ہے ۔کروڑوں لوگوں کو صحت کارڈ کی بدولت علاج کی سستی سہولت مل رہی ہے ۔جنوبی پنجاب میں لودھران,چشتیاں اور رینالہ خورد میں ہاوسنگ سکیم شروع کردی گئی ہیں۔ صوبے کے ہسپتالوں میںمریضوں کی سہولت کے لیے نو ہزار سے زائد بیڈ لگائے جارہے ہیں ۔تو محکمہ صحت میں ڈاکٹروں سمیت پچیس ہزار سے زائد خالی اسامیوں پر بھرتیاں کی جارہی ہیں۔مد ر چائلڈ ہسپتال بنائے جارہے ہیں اور دیہاتوں میں دو سو کے قریب طبی مراکز میں چوبیس گھنٹے کام کیا جارہا ہے ۔اس وقت ایک طرف سارا ملک پینے کے پانی کے حوالے سے تشویش مند ہے ۔ڈاکٹروں کے مطابق بہت سی بیماریوں کی بنیادی وجہ یہ ہے کہ پنجا ب بھر میں زمینی پانی پینے کے لائق نہیں رہا ۔اس مسئلے کے حل کے لیے پنجا ب حکومت صوبے بھر کے لوگوں کو صاف پانی فراہم کرنے کے لیے آب پاک اتھارٹی قائم کی گئی ہیں ۔شہروں میں جا بجا صاف پانی کے پلانٹ کام کررہے ہیں۔پنجاب کی زمین تو بہت زرخیز ہے لیکن کسانوں کو بہت سے مسائل درپیش رہے ہیں انہی مسائل کے حل کے لیے گندم اور گنے کی امدادی قیمتوں میں اضافہ کیا گیا ہے اور کاشتکاروں کے لیے ایگری کریڈٹ کارڈسکیم متعارف کرائی گئی ہے ۔نوجوانوں کو اپنے پاوں پہ کھڑا کرنے کے لیے ہنر مند نوجوان پروگرام کا آغاز کیا گیا ہے جس کے پہلے مرحلے میں صوبے بھر سے ڈیڑھ لاکھ سے زائد نوجوانوں کو تربیت دی جائے گی ۔میگا پراجیکٹ شروع کرنے کی بجائے پنجا ب بھر کے دیہات کی سڑکوں کو تعمیر و مرمت سے نیا پاکستان منزلیں آسان کا وعدہ پورا کرنے کی کوشش کی جارہی ہے ۔اسی سلسلے میں پہلی مرتبہ پنجاب میں پبلک پرائیویٹ پارٹنر شپ کے تحت تیرہ نئی سڑکوں کا معاہدہ کیا گیا ہے ۔پانی کے مسائل سے نمٹنے کے لیے صوبے بھر میں چھوٹے ڈیمز پہ کام شروع ہورہا ہے ۔فیصل آباد میں چار ہزار ایکٹر پر علامہ اقبال انڈسٹریل زون کے قیام کے ساتھ ساتھ صوبے میں دس سپیشل اکنامک زون قائم کیے جارہے ہیں۔صوبے میں چینی کمپنیوں کو صنعتیں قائم کرنے کے لیے بائیس ہزار ایکٹر زمین فراہم کی گئی ہے۔عوام کے بنیادی مسائل پر ہوم ورک مکمل کرتے ہوئے ایسے کام شروع کیے جن کے اثرات سامنے آنے میں کچھ وقت تو لگا مگر آج وہ اقدامات یا وہ کاوشیں دیکھ کے لگتا ہے کہ پنجاب باقی صوبوں سے صحت,تعلیم اور امن و امان میں کہیں آگے ہے ۔مجھے یاد ہے لاہور میں پنجاب حکومت کی پہلے سو دن کی تقریب سے خطاب کرتے ہوئے جناب عمران خان صاحب نے فرمایا تھا کہ ان کی خواہش ہے کہ وزیراعلیٰ عثمان بزدار اور پنجاب حکومت کی کارکردگی دوسرے صوبوں کیلئے باعثِ قابل تقلید ہو۔ وزیراعظم عمران خان نے وزیراعلیٰ پنجاب سے کہاکہ آپ نے کسی کی پرواہ نہیں کرنی اور نہ کسی سے ڈرنا ہے۔ میں آپ کو ہر طرح سے سپورٹ کروں گا۔آپ نے میرے نظریئے پر چلنا ہے۔کمزور کی مدد کرنی ہے او رطاقتور مجرم کو قانون کی گرفت میں لانا ہے۔اور آج پنجاب واقعی ایسے بنیادی کام میں کیے جارہے ہیں جو دوسرے صوبوں کے لیے مثلِ راہ ہوںگے ۔وزیر اعلی عثمان بزدار نے مختصر سے وقت میں بہت سے بنیادی نوعیت کے کام یا کارنامے سرانجام دیے ہیں جن میں عام شہریوں کا بھر پور خیال رکھا گیا ہے ۔سپیشل یا یتیم بچوں کی بات ہو یا بے سہارہ غریب لوگوں کی بزدارحکومت نے سب کا خیال رکھتے ہوئے پلاننگ کی ہے ۔ پنجاب کے بہت سے سکولوں کو اپ گریڈ کیا جارہا ہے اور نئے کالجز و یونیورسٹیز بنانے کا عمل بھی چل رہا ہے۔تجاوزات کے خلاف آپریشن سے صوبے بھر میں نو لاکھ کینال زمین واگزار کرواجاچکی ہے ۔یہ ایک حقیقت ہے کہ اس ملک کی جڑوں کو کھوکھلا کرنے میں کرپشن کا بہت بڑا ہاتھ رہا ہے ۔کرپشن کے ہزار طریقے رائج رہے ہیں ۔پنجاب حکومت نے کرپشن ختم کرنے کے لیے اینٹی کرپشن اپیلیکشن لانچ کر کے اس لعنت کے خاتمے کے لیے اہم پیش رفت کی ہے۔اب امید ہے سرکاری و نیم سرکاری اداروں میں کام کا میرٹ پر شروع ہوجائے گا ۔اگر تعصب کی عینک اتار کے دیکھیں تو پتہ چلتا ہے کہ پنجاب ہر شعبے میں باقی صوبوں سے کہیں آگے ہے ۔آج کا پنجاب بہت تیزی سے بدل رہا ہے ۔
