پی ایس ایل میچز،آئی جی پنجاب کی ہدایت ہر سیکورٹی کے سخت انتظامات 

 راولپنڈی(اپنے سٹاف رپورٹر سے)پی ایس ایل سیزن 10: کوئٹہ گلیڈیئٹرز اور پشاور زلمی راولپنڈی میں مدمقابل ہوئے۔انسپکٹر جنرل پولیس پنجاب ڈاکٹر عثمان انور کی ہدایت پر راولپنڈی میں پی ایس ایل میچز کے دوران 6 ہزار سے زائد افسران و اہلکاروں نے سکیورٹی ڈیوٹی انجام دی جبکہ ٹریفک کی روانی برقرار رکھنے کے لیے 400 ٹریفک وارڈنز بھی تعینات کیے گئے۔ آئی جی پنجاب ڈاکٹر عثمان انور نے آر پی او اور سی پی او راولپنڈی کو کھلاڑیوں، آفیشلز اور شائقین کرکٹ کو بھرپور سیکورٹی فراہم کرنے کی ہدایت دیتے ہوئے کہا کہ سکیورٹی اور ٹریفک سمیت تمام انتظامات کا خود جائزہ لیں۔ ڈیوٹی پوائنٹس پر پولیس جوان انتہائی الرٹ رہیں اور مشکوک سرگرمیوں پر کڑی نظر رکھیں۔ آئی جی پنجاب نے کہا کہ پولیس فورس نے پی ایس ایل میچز کی سکیورٹی کے لئے پہلے سے زیادہ بہتر حکمت عملی اپنائی ہے۔پی ایس ایل میچز کے پرامن انعقاد کے لئے ضلعی انتظامیہ اور سکیورٹی ایجنسیز سمیت تمام اداروں سے کوارڈینیشن مکمل ہے۔ڈولفن سکواڈ، پولیس ریسپانس یونٹ اور ایلیٹ فورس کی ٹیمیں کھلاڑیوں کی رہائش گاہ سے روٹس اور ا سٹیڈیم کے اطراف میں موثر پٹرولنگ کرتی رہیں۔ ٹیموں کے روٹ، اسٹیڈیم اور قیام گاہ سمیت اہم مقامات کی سی سی ٹی وی کیمروں سے ہمہ وقت مانیٹرنگ کی گئی۔ڈاکٹر عثمان انور نے مزید کہا کہ شہریوں کی آگاہی اورٹریفک روانی کیلئے ٹریفک ایڈوائزری جاری کی گئی ہے اور شائقین کرکٹ کھیل سے لطف اندوز ہونے کیلئے پولیس ہدایات پر عمل کریں۔