ڈینگی جان لیوا بیماری، احتیاطی تدابیر اختیار کریں،مقررین

راولپنڈی(نوائے وقت رپو رٹ )جناح انسٹیٹوٹ راولپنڈی کے زیر اہتمام ڈینگی آگاہی کے حوالے سے سیمینار کا انعقاد کیا گیا ۔ اس سیمینار میں چیف ایگزیکٹو جناح انسٹیٹوٹ راحت مسعود قدوسی۔ ڈسٹرکٹ ہیلتھ آفسیر ڈاکٹر حسن شاہ ، ڈسٹرکٹ انٹو نالوجسٹ حافظ محمد عدنان جناح انسٹیوٹ کے پرنسپل پروفیسر مسعود سلطان نے شرکت کی شرکا ء کا کہنا تھا کہ ڈینگی ایک جان لیوا بیماری ہے ڈینگی کی آگاہی کے حوالے سے بنائی گئی واٹیرز ایپلی کیشن میں طلبا کو رجسٹرڈ کیا گیا تاکہ زیادہ سے زیادہ افراد ڈینگی کے حوالے سے احتیاطی تدابیر اختیار کریں۔  تدابیر ہی اس کا علاج ہے۔ شہریوں کو چاہیے کہ وہ پانی کو ڈھانپ کر رکھیں۔ تاکہ ڈینگی کی افزائش نہ ہو سکے۔ شرکا کا کہنا تھا کہ ڈینگی آگاہی کے حوالے سے جو ایپلی کیشن بنائی گئی ہے شہری اس سے مستفید ہوں اور زیادہ لوگوں کو اس میں شامل کریں۔