امریکی ٹیرف جیسے مسئلے کو سفارتی ،تجارتی سطح پر ترجیح دی جائے:چوہدری مظہر

 اسلام آباد(نمائندہ خصوصی ) امریکی ٹیرف جیسے اہم مسئلے کو سفارتی اور تجارتی سطح پر اولین ترجیح دی جانی چاہیے،یہ صرف تاجروں یا صنعتکاروں کا مسئلہ نہیں بلکہ پوری معیشت اور لاکھوں مزدوروں کے روزگار کا مسئلہ ہے اس لیے اس مسئلے کو سفارتی اور تجارتی سطح پر اولین ترجیح دی جانی چاہیے۔امید ہے کہ حکومت برآمدی شعبے کے تحفظ کے لیے فوری اقدامات کرے گی۔ان خیالات کا اظہار چیئرمین آئی ایس اے ایسوسی ایشن فارن ڈیلیگیشن کمیٹی و ڈ پٹی کنونئیر ڈیلیگیشن کمیٹی ایف پی سی سی آئی چوہدری مظہر نے کیا ،انہوں نے کہا کہ پاکستانی برآمدات پر امریکی 29 فیصد ٹیرف امتیازی اقدام ہے اگر اس مسئلے کو جلد حل نہ کیا گیا تو پاکستان کی معیشت پر اس کے شدید منفی اثرات مرتب ہو سکتے ہیں جس کا خمیازہ نہ صرف تاجر برادری بلکہ عام عوام کو بھی بھگتنا پڑے گا۔