سردار عبدالرازق ایڈووکیٹ پاکستان اسمبلی آف مسلم یوتھ کے چیئرمین منتخب

اسلام آباد (اپنے سٹاف رپورٹر سے) معروف قانون دان اور سابق صدر ہائیکورٹ بار راولپنڈی سردار عبدالرازق خان ایڈووکیٹ کو پاکستان اسمبلی آف مسلم یوتھ (پامی) کا چیئرمین منتخب کرلیا گیاچوہدری نعیم کریم سیکریٹری جنرل اور جاوید اقبال گورایہ مرکزی چیف آرگنائزر منتخب ہوگئے ان کا انتخاب آج نیشنل پریس کلب اسلام آباد میں پامی کی ورکنگ کمیٹی کے اجلاس میں متفقہ طور پر کیا گیا جس میں چاروں صوبوں اور آزادکشمیر سے پامی کے اراکین نے شرکت کی جس کی صدارت سابق چئرمین پامی اسلم زار ایڈووکیٹ نے کی جبکہ اجلاس کے مہمان خصوصی سابق وزیراعظم آزادکشمیر سردار عتیق احمد خان سابق سپیکر اسمبلی شاہ غلام قادر تھے اجلاس میں اقبال ڈار، حافظ عبدالوحید، شادمان غلزئی ، ڈاکٹر عبدالرحیم اعوان، حافظ عثمان عباسی نصراللہ جرال، حمید سلیم ڈاکڑ خالد سلہری، مہر جہانگیر ایڈووکیٹ ، غلام مصطفی حیدری، راجہ خالد کیانی سمیت متعدد اراکین نے شرکت کی۔