پنجاب کے تعلیمی ادارے آج سے کھلیں گے، امتحانات شیڈول کے مطابق ہونگے  

 گوجرانوالہ،لاہور (نمائندہ خصوصی+نیٹ نیوز) تمام سرکاری و نجی سکولوں، کالجوں اور یونیورسٹیوں میں تدریسی سرگرمیاں آج سے معمول کے مطابق دوبارہ شروع ہو جائیں گی۔ اس ضمن میں لاہور اور گوجرانوالہ  محکمہ سکولز اور محکمہ ہائیر ایجوکیشن کی جانب سے نوٹیفکیشن بھی جاری کر دیا گیا ہے جس کے مطابق بورڈ اف انٹرمیڈیٹ، کالجوں اور یونیورسٹیوں کے تحت منعقد ہونے والے تمام امتحانات اور پریکٹیکلز وغیرہ بھی پہلے سے جاری شیڈول کے مطابق منعقد ہوں گے جبکہ ملتوی شدہ امتحانات اور پریکٹیکلز کے شیڈول کا اعلان بعد میں کیا جائے گا۔