امید ہے جنگ بندی دیرپا ہو گی، خطے میں امن کیلئے مسئلہ کشمیر کا حل ضروری: ڈاکٹر فیصل  

لندن (آئی این پی )برطانیہ میں پاکستانی ہائی کمشنر ڈاکٹر محمد فیصل  نے کہا ہے کہ امید ہے پاک بھارت جنگ بندی دیرپاہوگی، خطے میں دیرپا امن کیلئے مسئلہ کشمیر کا حل ضروری ہے۔برطانوی میڈیا کو دئیے گئے انٹرویو میں  ڈاکٹر محمد فیصل نے  پاک بھارت جنگ بندی کے حوالے سے کہا کہ امید ہے پاک بھارت جنگ بندی دیرپاہوگی، پاک بھارت جنگ بندی کیلئے امریکہ نے بہترین کردار کا اداکیا۔ سعودی عرب اور دیگر دوست ممالک نے بھی اس سلسلے میں اپنا کردار ادا کیا۔انہوں نے کہا کہ پہلگام واقعے میں جو بھی ملوث ہوا سے سزادی جانی چاہیے،  پاکستان نے پہلگام واقعے کی عالمی سطح پر آزادانہ شفاف تحقیقات کا مطالبہ کیا ہے۔ایسا نہیں ہو سکتا کہ آپ خودجج بنیں اور فیصلہ کرکے بمباری شروع کردیں۔ پہلگام واقعے کی تحقیقات میں پاکستان تعاون کرے گا۔پاکستانی ہائی کمشنر نے مزید کہا کہ پاکستان اور بھارت کے درمیان تنازع بھارت نے خود پیچیدہ بنایا ہے، اگربھارت عالمی قوانین کا احترام کرے تو مسائل آسانی سے حل ہو سکتے ہیں، خطے میں دیرپا امن کیلئے مسئلہ کشمیر کا حل ضروری ہے۔   محمد فیصل نے کہا پاکستان پہلگام واقعے کی عالمی سطح پر آزادانہ شفاف تحقیقات کا مطالبہ کرتا ہے، پہلگام واقعے میں جو بھی ملوث ہو اسے سزا دی جانی چاہیے، ایسا نہیں ہو سکتا کہ آپ خود جج بنیں اور فیصلہ کر کے بمباری شروع کر دیں،