پاکستان کی فتح پوری پاک فوج اور قوم کی فتح ہے:ہشام الٰہی ظہیر 

لاہور(خصوصی نامہ نگار) جمعیت اہلحدیث کے صدر ڈاکٹر علامہ ہشام الٰہی ظہیر سے جمعیت علماء اسلام (ف)پنجاب کے سیکریٹری جنرل حافظ نصیر احمد احرار نے اپنے وفد کے ہمراہ مرکزی دفتر میں ملاقات کی۔ ملاقات میں ملکی سیاسی اور خاص طور پر پاک بھارت کشیدہ صورتحال سمیت دیگر ایشوز پر بات چیت ہوئی۔ علامہ ہشام الٰہی ظہیر نے کہا آپریشن ’’بنیان مرصوص‘‘ میں بھارت کیخلاف تاریخی کامیابی اللہ کے فضل اور پوری قوم کی پاک فوج کیساتھ یکجہتی کا نتیجہ ہے۔ ہم اس شاندار فتح پر افواج پاکستان کو خراج تحسین پیش کرنے ہیں۔ جب اور جس محاذ پربھی ضرورت پڑی ہم پاک فوج کے ساتھ کھڑے رہیں گے۔ پاک سر زمین کے دفاع پر پوری قوم افواج پاکستان کے ساتھ سیسہ پلائی دیوار بن گئی۔ نتیجہ اللہ رب العزت نے ہمیں بڑی کامیابی و فتح سے ہمکنار کر دیا جو قابل تحسین بات ہے۔