میں شروع سے کہتا آرہا ہوں کہ جسٹس قیوم کی رپورٹ پڑھیں: سابق کپتان سلیم ملک
لاہور(سپورٹس رپورٹر) پاکستان ٹیم کے سابق کپتان سلیم ملک نے کہا ہے کہ اگر پی سی بی سے نے انصاف نہ دیا تو میرے پاس آئی سی سی میں جانے کا راستہ کھلا ہے۔ لاہور میں میڈیا سے گفتگو کرتے ہوئے سلیم ملک کا کہنا تھا کہ میں کسی کے خلاف نہیں ہوں اور نہ ہی میں نے کبھی کسی کا نام لیا ہے۔ میں شروع سے کہتا آرہا ہوں کہ جسٹس قیوم کی رپورٹ پڑھیں۔ اب لوگوں نے یہ رپورٹ پڑھی ہے تو انہیں سمجھ آئی ہے۔ ان کا کہنا تھا کہ میری عادت رہی ہے کہ جب تک کوئی مشورہ نہ مانگے بلاوجہ مشورے نہیں دیتا۔ وسیم اکرم نے کبھی مجھ سے کچھ سیکھنے یا پوچھنے کی خواہش نہیں کی اور میں نے بتایا نہیں۔ اس ساری صورت حال کے بعد کاروبار کرکے زندگی اچھے طریقے سے گذاری ہے۔ سلیم ملک کا کہنا تھا کہ میرے بیٹے شافع ملک کو اچھی کارکردگی کے باوجود میری وجہ سے نشانہ بنایا جانا افسوس ناک ہے۔ پی سی بی سے بہت مرتبہ رابطہ کیا مگر انہوں نے جواب نہیں دیا۔ ابھی دوبارہ ابطہ کیا ہے مگر کوئی جواب نہیں آیا۔ پاکستان کرکٹ بورڈ کے پاس میرے خلاف کچھ تھا تو میں آٹھ سال کیس لڑا ہوں عدالت میں پیش کرتے۔ لوگ یہ سمجھ رہے ہیں کہ میں شاید سلیکٹر یا ٹیم کی کوچنگ کی طرف آنا چاہتا ہوں۔ مجھے ان میں سے کوئی عہدہ درکار نہیں ہے۔ نیشنل کرکٹ اکیڈمی جہاں نوجوان کرکٹرز کی تربیت کر سکتا ہوں جہاں سے پاکستان کرکٹ کے فیوچر سٹار نکل کر سامنے آنے ہیں۔ میں اکیڈمی کی سطح پر نوجوان کرکٹرزکی کوچنگ کرکے پاکستان کرکٹ کی خدمت کرنا چاہتا ہوں۔
