کوئٹہ (ریڈیو نیوز) گورنر بلوچستان ذوالفقار مگسی نے کہا ہے کہ وفاق بلوچستان کے لوگوں کو ان کا حق دے۔ آزاد بلوچستان کا نعرہ لگانے والے خود باہر بیٹھے ہیں۔ بلوچستان کی آزادی کے نعرے لگانے کی کوئی حیثیت نہیں حکومتی رٹ قائم ہے بلوچستان کی موجودہ صورتحال سابقہ حکومت کی پالیسیوں کا نتیجہ ہے پرچم کی بے حرمتی کرنے والوں کے خلاف کارروائی کریں گے۔ عوام کے مسائل حل کر کے ہی امن و امان کی صورتحال کو بہتر بنایا جا سکتا ہے۔ ان خیالات کا اظہار انہوں نے گذشتہ روز ایف سی ہیڈ کوارٹرز کے دورہ کے دوران کیا۔ میڈیا سے گفتگو کرتے ہوئے انہوں نے مزید کہا کہ بلوچ عوام پاکستان کا استحکام اور خوشحالی چاہتے ہیں۔ امید ہے صوبے کی صورتحال میں بہتری آئے گی۔ صوبے کے عوام کو وسائل‘ ملازمتیں اور حقوق ملنا چاہئیں۔ حقوق دئیے جائیں تو سارے مسئلے حل ہو جائیں گے۔ حالات صوبائی حکومت کے کنٹرول سے باہر ہوئے تو وفاق مداخلت کرے گا‘ بلوچستان کے مسائل کے حل کے لئے صوبائی حکومت کی سفارشات تیار کی جا رہی ہیں۔
ذوالفقار مگسی
ذوالفقار مگسی