متعدد یورپی ممالک نے برطانوی ویکسین کا استعمال روک دیا، ویکسین روکنے والے ممالک میں ڈنمارک، ناروے، آئس لینڈ اور اٹلی شامل ہیں،برطانوی کورونا ویکسین کے استعمال سے خون میں پھٹکیاں بننے کے واقعات کے بعد ڈنمارک، ناروے، آئس لینڈ اور اٹلی نے ویکسین کا استعمال عارضی طور پر روک دیا ہے، ان ممالک میں خون میں پھٹکیاں بننے کے چند واقعات سامنے آئے ہیں۔عالمی میڈیا کے مطابق یورپی یونین نے معاملے پر تحقیقات کا آغاز کر دیا ہے،برطانوی حکومت نے آکسفورڈ کی تیار کردہ ایسٹرازینیکا ویکسین کو محفوظ قرار دیا ہے، برطانوی وزیراعظم بورس جانسن کے ترجمان نے کہا ہے کہ ڈنمارک نے آکسفورڈ کی تیار کردہ ویکسین اور خون جمنے کے درمیان کسی تعلق کی تصدیق نہیں کی، دوسری جانب اٹلی کی حکومت نے 2پولیس اہلکاروں کی خون جمنے سے ہلاکت کے بعد ایسٹرازینیکا پر پابندی عائد کر دی ہے، آسٹریا اور ڈنمارک میں برطانوی ویکسین لگائے جانے کے بعد خون جمنے سے 2مریضوں کی ہلاکت ہوئی ہے۔