لاہور(نمائندہ سپورٹس)خاتون کھلاڑی کی کامیابی میں ان کی ماں کا بڑا کردار ہوتا ہے، یوں تو عموماً مائیں گراونڈ کے باہر ہی بیٹھ کر اپنی بیٹی کا میچ دیکھتی ہیں اور ایسا کم ہی ہوتا ہے کہ ماں اور بیٹی دونوں بیک وقت گراونڈ میں ایکشن میں نظر آئیں۔کراچی میں جاری قومی ویمنز ٹی ٹونٹی ٹورنامنٹ کے دوران بیٹی نے میچ کھیلا تو ماں نے امپائر کے فرائض انجام دیئے۔پاکستان کرکٹ ٹیم کی آل راونڈر کائنات امتیاز نیشنل سٹیڈیم میں جاری ٹی ٹونٹی ٹورنامنٹ میں پی سی بی ڈائنامائٹس کی نمائندگی کررہی ہیں، جبکہ اسی ٹورنامنٹ میں اْن کی والدہ سلیمہ امتیاز امپائر کے فرائض انجام دے رہی ہیں۔کائنات امتیاز نے اپنی والدہ کی امپائرنگ کے دوران تصاویر سوشل میڈیا پر پوسٹ کرکے لکھا ہے کہ ان کی والدہ نے ہمیشہ اْنہیں سپورٹ کیا ہے۔کائنات امتیاز 12ون ڈے اور 11ٹی ٹونٹی میچز میں پاکستان کی نمائندگی کرچکی ہیں۔

پنجاب کے مختلف علاقوں میں شدید دھند، موٹروے کئی مقامات سے ٹریفک کیلئے بند