لاپتہ افراد کمشن کی سماعت مکمل‘ 8 افراد کے بازیاب ہونیکی تصدیق
کوئٹہ (نوائے وقت رپورٹ) محکمہ داخلہ بلوچستان کے مطابق لاپتہ افراد کی بازیابی کیلئے حکومتی کمشن کی 6 روزہ سماعت مکمل ہو گئی۔ 6 روز کے دوران 85 لاپتہ افراد کے کیسز سنے گئے۔ سماعت کے دوران مجموعی طور پر آٹھ لاپتہ افراد کے بازیاب ہونے کی تصدیق کر دی۔ چار افراد کے نام لاپتہ کے زمرے میں نہ آنے پر خارج کر دیئے گئے۔ سماعت بلوچستان ہائیکورٹ کے سابق جسٹس فضل الرحمنٰ نے کی۔