بھارت: ٹرک کے ساتھ ٹکر سے بس میں آتشزدگی‘ 10 ہلاک‘ متعدد زخمی
نئی دہلی(آن لائن) بھارتی ریاست اترپردیش میں ٹرک کے ساتھ ٹکر کے باعث بس میں ہولناک آتشزدگی کے نتیجے میں دس افراد ہلاک جبکہ متعدد زخمی ہو گئے ۔ ملکی خبررساں ادارے کے مطابق حادثہ اترپردیش کے ضلع کانواج میں اس وقت پیش آیا جب 45 افراد پر مشتمل ڈبل ڈیکر بس سامنے سے آنے والے تیز رفتار ٹرک سے ٹکرا گئی اور اس میں آگ بھڑک اٹھی حادثے کے نتیجے میں دس افراد ہلاک جبکہ متعدد زخمی ہو گئے ۔ زخمیوں کو فوری طور پر ہسپتال داخل کر دیا گیا ۔ جن میں سے اکیس کی حالت تشویشناک ہے حادثے کی وجوہات جاننے کے لئے تحقیقات شروع کر دی گئی ہیں ۔
